آراگون(يكشنبه) ۲٨ مهر ۱٣٨۷ - ۱۹ اکتبر ۲۰۰٨

اؤیرنجی نیوز:طي سالهاي گذشته اعضاي تشكل آرمان بعد از دلسردي از مسئولان دانشگاه جهت اخذ مجوز براي تشكيل كلاسهاي آموزش زبان توركي آذربايجاني، امسال اعضاي اين تشكل تصميم گرفتند خود نسبت به برگزاري اين كلاسها اقدام نمايند.

امروز دومين هفته از سري كلاسهاي آموزش زبان توركي آذربايجاني مقدماتي با تدريس آيدين سرداري نيا عضو شوراي مركزي تشكل آرمان برگزار شد. در آينده اي نزديك قصد داريم با استفاده از اساتيد مجرب نسبت به ادامه كلاسها در مقاطع پيشرفته اقدام نمائيم.
باتوجه به اينكه شروع ثبت نام اين كلاسها با استقبال  بسيار گسترده و غير قابل پيش بيني دانشجويان عزيز همراه بود، تصميم گرفته شد تا اين كلاسها در سه نوبت در هفته برگزار شود. لازم بذكر است به دليل استقبال بسيار خوب فارس زبانان عزيز كلاسهاي مجزا براي اين عزيزان در نظر گرفته شده است. هر نوبت از اين كلاسها با بيش از صد نفر از دانشجويان برگزار مي شود كه حدودا سيصد نفر دانشجو در هفته در كلاسها شركت مي كنند. البته چيزي نزديك به همين تعداد نيز براي دور دوم اين كلاسها رزرو شده اند.
در ذيل نيز گزارشي تصريري از نحوه برگزاري اين كلاسها از نظرتان خواهد گذشت

http://armanazer.blogfa.com/

آمان آللاهیم بو آغلامقلارلا آزربایجانین ایشی دوزلمیر سن اوزون یاردیم ائت

.

.

.

ایچیمده آغلادیم، من بو گؤن-  هدایت ذاکر  « آرازلی»

نئچه گؤن اؤنجه آموزش و پرورش داییره سیندن یئنی بیر بخشنامه چیخدی کی ایبتدایی  کیلاس لارینین  بیرینجی لری زومار آیینین 26سیندا اوخول لارا آیاق قویوب کیلاس لاری بللی اولوب، باشلانیش  ائدیب سونرا مهر آییندان رسمی اولاراق درس لره داوام وئردیره لر بو اؤزدن آلتی یاشلی  قیزیم بیرینجی صینیفا آتدیم  آتماغا  برک تله سیردی، گؤنده میداد –  دفترلرینی دؤزنله ییب چانتاسینا قویوردو.

اعلان اولدوغو  گؤن گلیب چاتدی  منیم قیزیم سئوینجلی – هایاجانلی  آناسینین یاردیمی ایله مانتوسونوگئییب باش اؤرتویونوسالیب ایلک اوخولاساری بیزیم له بیرلیک ده یولا دؤشدو.

مدرسه نی شولوقلوق و قالابالیق بوروموشدو و آنالار و آتالاردا بیرینجی صینیف اؤیرنجی لرله اوخولو دولدورموشدولار مدرسه نین بیر شیفتی قیزلار بیر شیفتی ایسه اوغلان لار یئر توتموشدولار. مودوریاردیمجی لار  آیری،آیری خانیم، آغا اولاراق چالیشیردیلار ایلک سینیف اؤیرنجی لرینین آدلارین اوخویارکن کیلاسلارینا  گؤندرسینلر آمّا او ایش کی آدام اونو گؤروب ائشیدرکن شاشیریب بوینوز چیخاریر یاراندی مودورلر داها اونلارین  یاردیمجی لاری معللیم لرله بیرلیک ده آلتی یاشلی اوغلان قیز اوشاقلارلا چوخلو فارسجا دانیشیردیلارو بو دیلده دانیشارکن حاقلی قیافه ده  توتوردولار و بو ایشی اؤزلرینه بیر  کیلاس گؤروردولر و سئوینیردیلرکی ایداره نین دستور وئردیینه هن دئییب، آیاقلارینی جیزیق لاریندان ائشیگه چیخارتماییرلار، البته سونرادان امتیاز آلاجاق لار، اولا بیلرکی یازیلی بیر آلقیش دا اونلارین آدینا گؤندریلسین «نه باش اوجالی»

منیم ایچیمی یاواش یاواش اوزونتو بورویوردو، اوره ییم دولوب بیر غریبه ایستی لیک بدنیمی آلدی،ایجبارلا کؤینه ییمین اوست دویمه سینی آچدیم، یوخ هر یئریمی تر گؤتورموشدو. ؤز اؤزومه دئدیم: آی کیشی دؤز. 

قیزیمین الیندن یاپیشیب بللی اولموش صینیفینا آپاردیم. خانیم معللیم لری ایله سالاملاشیب سؤیله دیم:

بیزیم ایسته ییمیز بودورکی اوشاقلاریمیز اؤز دیل لرینده یازیب اوخوسونلار ایندی   کی قویمورلاران آزی  سیز کیلاسدا اؤیرنجی لرله تورکو دانیشیب درس وئره سیزکی اؤز دیل لریندن چوخ اوزاخلاشمایالار. 

منیم سؤزلریم سونا چاتمامیش خانیم معللیم جاواب وئردی:  آخی اوندا نه جور «جمله نویسی» یازارلار، فارسی «بخوانیم و بنویسیم» کیتابینی   نه جور بیلسین لر و ....

بو تارتیشمانین آراسیندا اوغلان لار شیفتینین آغا مودورو کیریخیب سالونون آراسیندا منی گؤروب دئدی: آقا این جا چه کار می کنید؟ برید بیرون. برک قیزاردیم، بوغازیمین سویونو چتین لیک له اودوب دئدیم: سنه کیم دئییب منله فارسجا دانیشاسان؟

من تورکم، قیزیم دا تورک، هر زادیمیز تورک ائله بیل قاتیب قاریشدیریبسان. مودور ال آیاقین ایتیریب دئدی باغیشلایین بیر آز شولوخدو اول گوندو اونا گؤره . سونرا آغا مودور اوزون چؤندریب بیر اوغلان اؤیرنجی یه ساری دئدی:

  -  پسرم برو کلاست.

داها منیم گؤزلریمی قارا باسدی،اوره ییم آز قالیردی سینه مین قفسه سین سیندیریب دیشاری آتیلسین.

او شولوقلوق دا اؤزومو ائشیگه سالدیم ، حایات یولداشیم منی قارشیلاییب دئدی: هیدایت سنه نه اولدو؟ نه اوچون بئله اوزون ده ییشدی؟

منیم اویان بویانیمدا بعضی بابا و مامی لر اوشاقلاری ایله فارسجا دانیشیب یئمک وئریردیلر.

اؤزومو یالقیز گؤروب بیلمه دیم نه جور مدرسه دن قاچام دئدیم کی حتما سکته گلیر، کوچه ده بیر یئر تاپیب اوتوردوم، دونیا باشیما دولانیردی اوزونتودن های های ایچیمده آغلادیم .

ندن؟

بو بیزیم مدرسه دیر؟

بیزیم بیزلیییمیزدن نه قالیبدیر؟

بیزیم تورکلویوموزدن نه قالیبدیر؟

 بو سورولار فیکریمی دولدورموشدو، نه زامان فیکرده و اوزونتوده قالمیشدیم. خبریم یوخ ایدی، حایات یولداشیم، قیزیم و اوغلوم یانیمدا اوتورموشدولار و برک  نییاران اولموشدولار و منیم اوزومدن چالیب آییلتماغا چالیشیردیلار.

اؤزومه گلدیم قیزیم الینی اوزومه قویوب دئدی: آتاجان باخ گؤر دوز دئییره م:

سو دئییبدیر منه اولده آنام آب کی یوخ /  یوخو اؤیرتدی اوشاقلیق دا منه خواب کی یوخ

قیزیمی باغریما باسیب جاواب وئردیم: هن، ائله دوزدور سنین آنان همیشه سو دئیه جک، چؤرک دئیه جک، سونرا هر زامان گئجه لر ایستک دن دولو یوخو اؤیره ده جک:

"بونا گؤره کی گله جک سنین دیر"

تبریز – گئجه یاریسی ساعات بیر

زومار آیینین 27 سینین ایلک ساعاتی                 1387

هدایت ذاکر  « آرازلی»