 |
 |
|
| 35milyon Azerbaycan(IRAN) turklerinin sevgisi |
|
|
+ يازيلميش
جمعه سی و یکم شهریور 1385چاغلا 22:36 تورفان |
|
|
+ يازيلميش
جمعه سی و یکم شهریور 1385چاغلا 22:2 تورفان |
|
|
آذربایجان محمدباقر خوش منش(قاینار) ای منیم آلوولو اودلو توپراغیم
وئردیم سنه گؤنول ، آذربایجان
وقارلی محتشم زیروه لی داغیم
باغلادیم سنه بئل، آذربایجانیم ساری تئللی سونبول بار وئره ر سنده
قیرمیزی لاله لر آچار سینه نده
بولبوللر اوخویار باغدا _ چمنده
فرحلن سنده گول، آذربایجانیم داغلاری نین باشی هر زامان قاردیر
اوغلون کوراوغلودور قیزین نیگاردیر
دوشمانا باش اگمک ایگیده عاردیر
قوپار طوفانلی یئل ، آذربایجانیم هر اوغلون بابک دیر، نبی ، ستارخان
هر قیزین ، تومروس دور هجر دیر اینان
ظالیم پاشالارین ائوینی ییخان
کوکره یه ن ده لی سئل ، آذربایجانیم ای آنا توپراغیم مهربان وطن
سن گوله بنزه ر سن، بولبولونم من
«قاینارا» گول اولدون، یام یاشیل چمن
سنده آچمیشام دیل، آذربایجانیم |
|
+ يازيلميش
جمعه سی و یکم شهریور 1385چاغلا 21:59 تورفان |
|
|
نئیلردین ایلاهی! داش قلبلی اینسانلاری نئیلردین ایلاهی!
بیزده بو سویوق قانلاری نئیلردین ایلاهی!
ایش رنجبرین، گوج اؤکوزون، یئر اؤزونونکی،
بیگ زاده لری، خانلاری نئیلردین ایلاهی!
(صابیر طاهرزاده) |
|
+ يازيلميش
جمعه سی و یکم شهریور 1385چاغلا 21:57 تورفان |
|
 |
|
+ يازيلميش
جمعه سی و یکم شهریور 1385چاغلا 21:52 تورفان |
|
|
بیر قیچلی قارداش
اصغر فلکی اسکوئی«آرخا» چایدانی قویموشدوم پیله ته اوسته اوره گیم بیلمه دیم نده ن توتولدو هی دئدیم دورارام ایندی دملرم دورمادیم، قاینادی سویو قورتولدو *** هئر ییه قونموشدو بیر قارا قارقا قانادین اویناتدی هی قاریلدادی دئدیم کی اولمویا بوندا وای خبر او دم بیر طیاره برک خاریلدادی *** سوروندوم، سیخیلدیم ائوده بوجاغا باشیمی قاوزادیم حیاطا باخدیم تیتره تدی گومبولتو دامی دوواری یئریمدن داشلاندیم هاوایا قالخدیم *** شاققیلتی له باشیم ده گدی دووارا آینا آسیلان میخ بورنومو ده لدی فیرلانیب یاناکی ییخیلدیم یئره بورخولدو قول قیچیم آغرییا گلدی *** پنجره تؤکولدو جاملار اوغولدو آتیلدی بیر پارچا اوزومه باتدی دیره کلر چاتدادی توپراق الندی پیله ته ییخیلیب یاناکی یاتدی *** جالاندی پالازا، نفتی یاییلدی آلاوی اوجالدی ائوه داریشدی گؤزلریم آجیشدی باشیم گیجلدی آیاغا قالخمامیش حالیم قاریشدی *** دومان تک بورودو توز_ توستو ائوی گؤردوم، دای سئچمیری گؤزوم، هئچ یانی ایسته دیم چیغیرام، سسیم چیخمادی آغزیما دولموشدور بورنومون قانی *** تاپپیلتی له بیر شئ اوستومه دوشدو قویمادی ترپه نم آمانیم کسدی گوجوله اشهدی دئدیم بیر قولای گؤردوم دای اؤلورم ، آخیر نفسدی *** سون بیرزاد دبیلمه دیم گئتدیم اؤزومدن آییلاندا شیلی کوتوم قالمیشدی بیر آنلاقلی اینسان تاپیب چیخاردیب جینازه می اؤز چیگنینه آلمیشدی *** قاچیردیب یئتیریب خسته خانییا قورتارمیشدی بو جانیمی اؤلومدن ایندی بیر قیچلی یام ، آی «آرخا» قارداش شعرینده یاز گیلن بوجور ظولومدن |
|
+ يازيلميش
جمعه سی و یکم شهریور 1385چاغلا 21:49 تورفان |
|
 |
|
+ يازيلميش
جمعه سی و یکم شهریور 1385چاغلا 21:48 تورفان |
|
|
دوغما دیلیم غفور خیامی(خادم خلق)
ای دیللرین عظمتلی سمبولی ایگیت لره دیلک لی بیر سئوگیلی آنا یوردوم آذر ائلینین دیلی سنه گؤره اوخور گؤنول بولبولی دادلی دوزلو سعادتین نغمه سی دوغما دیلیم آذر ائلینین سسی *** بئشیکیمده آنام لای لای چالاندا جاندان گئچیب، تک قئیدیمه قالاندا اوره گیمین مطلبینی آلاندا محبت له سؤز قلبیمه سالاندا سنی توتوب اونو داردی هر کسی دوغما دیلیم آذر ائلینین سسی *** سنین اؤتگم سؤزون منیم دیلیمدیر ایستگیمدیر ماراقلی سئوگیلیمدیر بوداغلاردا سسله نن بولبولومدور چمنلرده، گولشنده سونبولومدور طراوتین ، شفقتین ، اسوه سی دوغما دیلیم آذر ائلینین سسی *** دنیزلرده ن گئنیش اولان شووکتین سارسیلمایان ملاحتین، شهرتین یاییلیب دنیایا بؤیوک عزتین خاطیریمده داییم یاشار حرمتین سئوه ر سنی آزاده لر جمله سی دوغما دیلیم آذر ائلینین سسی |
|
+ يازيلميش
جمعه سی و یکم شهریور 1385چاغلا 21:43 تورفان |
|
|
آذربایجان
ولی اوغلو(تورک) چوخ سئویره م چایلاقلارین ائل لر دوشن یایلاقلارین جئیران گزه ن اوولاقلارین گولده ن الوان ، آذربایجان *** بدنده کی اوره گیم سن حیاتیمدا دیله گیم سن یامان گونده کؤمگیم سن سنه قوربان آذربایجان *** سن آناسان منده بالان اورگتمه دین منه یالان قوربانیندیر اؤلن قالان بیزه توان آذربایجان *** تاری وئرمیش گؤزه ل پایین گولوستاندی هر بیر تایین وارستارین، هم خطایین «تورک» لره سان آذربایجان |
|
+ يازيلميش
جمعه سی و یکم شهریور 1385چاغلا 21:40 تورفان |
|
 |
|
+ يازيلميش
جمعه سی و یکم شهریور 1385چاغلا 21:39 تورفان |
|
|
ايلك ياپراق چاپارخانا آرشیو |
| وبلاگا گوره |
35milyon Iran turklerinin sevgisi
azerbaycanli,Gashgayi ,turkmen,efshar,xelec,baharlu Iranin basha bashinda turkler yashirlar, ama oz anadillerinda oxuyub yaza bilmirler. aslan Iran yani azerbaycan. chunku har yer turk olan yerda oraya Azerbaycan demak lazimdir. |
|
RSS
|
